Média LOIOLA; Manorin nain hosi Colégio de Santo Inácio Loiola (CSIL) nain rua (2) partisipa formasaun kona ba publikasaun konteúdu no utilizasaun plataforma online ne’ebé hanaran JORNÁL PAREDE DIJITÁL,fasilita husi Sekretaria Estadu Komunikasaun Sosiál (SEKOMS) no Ministériu Edukasaun (ME) ho parseiru CHILD FUND, iha salaun Mutlimedia Eskola Tekníka Informatíka (ETI) Foomento II Dili.
Reprezentante Manorin CSIL Ricardo Calapes sente orgullu ho formasaun ne’e tanba bele aumenta koñesimentu iha area jurnalismu báziku no utilizasaun plataforma online.
“ha’u senti Kontente no Orgulhu tanba aprende abilidade foun kona ba jornalismu hodi hetan kbiit atu escreve no públika notísia relevante ruma”, dehan Ricardo wainhira partisipa formasaun durante loron 3 iha salaun Multimedia ETI sesta feira (29/08/2025) ne’e.
Manorin ne’e hatutan liu husi formasaun ne’e mos bele aumenta manorin nain sira nia abilidade kona ba utilizasaun plataforma online sira.
” Senti mos Motivadu no Inspiradu atu kontinua praktika, tanba agora la’ós deit aprende teoria, maibé mos hatene oinsa realmente halo postasaun iha Parede Digital no inspiradu tebes atu hateten realidade komunidade, estudante, no istória inspirativu sira husi no ba ema seluk. Bainhira hau senti motivadu entaun iha ona konfiansa tanba ema barak bele lee no haree ita nia obra iha espasu publiku. Hau mós senti ansiedade ka nervosu (positivu) bainhira primeiru hakerek ba postagen sira, bele mos senti nervozu tanba kauza husi error ruma maibe ida ne’e normal,” afirma mestri Ricardo.
Tuir observasaun ne’ebé iha nota katak Manorin nain sira sente kontente no horando bele hetan oportunidade hodi aprende hamutuk ho eskola sira seluk no partilha ba malu esperiensia sira no iha future bele fahe mos estudante sira iha eskola ida-idak.
Formasaun ne’e hala’o durante loron tolu hahú dia 27 to’o 29 agostu 2025, enkuantu partisipa iha formasaun ne’e mai husi eskola públiku no privadu hamutuk ualu (8) kompostu hosi Eskola Katólika Santa Madalena de Canossa Díli, Colégio de Santo Inácio Loiola Kasait, ESG Annur Díli, ESTV-IT 28 Novembru, ESG 12 Novembru, ETI, ESG Nicolau Lobato, Colegio São José Operário, ho total partisipante nain ruanulu (20) husi feto nain 4 no mane nain 16.
MÉDIA LOIOLA
Leave a Reply