New Year, New Beginnings – Loiola Ideal

Loiola  hahu tinan foun 2026 ho tema New Year, New Beginnings – Loiola Ideal. Colégio Loiola hala’o formasaun ba professores sira hahu husi loron 5 to loron 10 fulan janeiro tinan 2026. Iha ne’ebé Diretór do Colégio Pe. Calisto Seco Colo, SJ. deskreve objetivo sira husi tema ne’ebé iha atu tulun Loiola hodi sai Ideal, O ambiente escolar ideal na Loiola “é aquele em que alunos, professores e funcionários se sentem seguros, respeitados e inspirados. É uma comunidade baseada nos valores inacianos, marcada pela disciplina, colaboração e um desejo comum de crescer na vida academica, espiritual e pessoal” hateten Pe. Calisto, SJ. iha foramsaun loron primeiro.

Kontinua ho apresentasaun avaliasaun husi grasa konsolasaun no desolasaun ne’ebé durante professores sira hasoru iha tinan 2025 iha sorin seluk apresenta mós mudansas orario no aprendizagem ne’ebé vice-diretór Asunto Academico prepara ona. Iha formasaun ida ne’e padre Superior Regional da Companhia de Jesus em Timor-Leste, Pe. Erik John Gerilla, SJ, apresenta mós konaba O espírito da Companhia de Jesus e Educação Jesuíta, hodi fo hanoin fila fali karateristika edukasaun Jesuíta tuir espiritualidade Santo Inácio de Loyola ba professores sira.

Pe. Calisto, SJ. kontinua agradese professores sira ba sira nia pronto hodi hatan ba misaun ida ne’e “A melhor disposição dos professores reflete-se na sua prontidão para ensinar com competência, pasiência e cuidado. Eles colaboram com os colegas, apoiam os alunos com dedicação e incorporam o espírito inaciano de cura personalis, orientando os jovens não apenas academicamente, mas também no caráter e nos valores.” Hateten Pe. Calisto, SJ.

Hafoin formasaun ba professores sira, Colégio de Loiola kontinua ho atividade primeiro iha tinan akademiku 2026 ba estudante sira, iha ne’ebé hahu ho missa Espirito Santo hodi husu tulun akompaña no guia ema hotu iha tinan ida ne’e. Kontinua ho formasaun kona-ba Akademiku; Kodigo displina; Formasun no pastoral no lalaok atividade tinan letivo 2026, ba estudante sira iha Colégio de Santo Inácio de Loiola, formasaun ne’e halao durante Semana ida.

Ho mudansa ne’ebé iha, ita mai esperansa foun iha tinan 2026, tinan ida ne’ebé sei nakonu ho mudansa ba komunidade Loiola no espera sei kuda no haburas liu tan valores Inaciano ne’ebé iha ema ida-idak atu sai ema ida ne’ebé  MAGIS liu tan iha tinan 2026.